Kirukalkal

வடிவேலு - நகைச்சுவை

2008-08-14T21:23:00.001+02:00

சில சமயங்களில் பொழுதே போகாதபோது நான் மீண்டும் மீண்டும் பார்த்து ரசிப்பது வடிவேலுவிடைய நகைச்சுவையைத்தான்.
ஆரம்பகால படங்களில் வடிவேலு என்னைக் கவரவில்லை. Friends, வெற்றிக்கொடிகட்டு போன்ற படங்களிலிருந்து வடிவேலு ரசிகனாகிவிட்டேன் என்று தான் சொல்ல் வேண்டும்.

என்னை கவர்ந்த படங்கள் இங்கே
Friends - நேசமணி
வெற்றிகொடிகட்டு - துபாய் return
கிரி
தலைநகரம் - நாய் சேகர்

உருளைக்கிழங்கும் உலக வெப்பமயமாதலும்

2008-08-13T21:18:00.004+02:00

புவி வெப்பமயமாதலுக்கு ஆடு, மாடுகள் வெளியேற்றும் மீதேன்(methane) வாயுக்கள் கரியமில (CO2) வாயுவைவிட அதிகம் துணை போகின்றனவாம். ஆனால் கங்காரு-க்களுடைய செரிமான அமைப்பு ஆடு, மாடுகளைக்காட்டிலும் முற்றிலும் மாறாக இருக்கிறதாம். அவை மீதேன் வாயுக்களை சிறிதும் வெளியேற்றுவதில்லை. அதனால் கங்காரு-கறிக்கு மாறச்சொல்கிறார் ஆஸ்திரேலிய பேராசிரியரொருவர். முழு செய்தி இங்கே.

எனக்கு சில வருடங்களுக்கு முன் பெர்லினில் ஆஸ்திரேலிய ரெஸ்டாரன்டொன்றில் கங்காரு-கறி சாப்பிட்ட ஞாபகம் வந்தது. பார்க்க காட்டு முயல் கறி போல கரு கருவென்று இருந்தாலும் சுவை ஒன்றும் சொல்லிக்கொ(ல்லு)ள்ளும் அளவில் இல்லைஇ

உருளைக்கிழங்கு சாப்பிடுபவர்கள் கூட உலக வெப்பமயமாதலுக்கு காரணம் என்று யாரேனும் சொல்லும் நாள் வெகுதூரத்தில் இல்லை

சூப்பர் ஸ்டார் சாம் ஆண்டர்சன்

2008-03-10T21:11:00.005+01:00

சமீபத்தில் இவர் நடித்த யாருக்கு யாரோ படத்திலிருந்து சில காட்சிகளை youtube-ல் பார்த்தேன். நீங்களும் இங்கே பார்த்து மகிழுங்கள்

ஓர்குட்டில் பெரிய ரசிகர் பட்டாளமே இவருக்கு இருக்கிறது
SAM Anderson Rocks Orkut community

Enough is enough..... If you want more, just search in youtube for 10's of videos

ஒன்றா இரண்டா ஆசைகள் எல்லாம் சொல்லவே ஓர் நாள் போதுமா?

2007-10-30T20:58:00.000+01:00

தாலியே தேவைஇல்லை நீ தான் என் பொஞ்சாதி - No comments

2007-10-25T20:02:00.000+02:00

மீண்டும் ரீமிக்ஸ் - கனவே கலையாதே(யுவன் சங்கர்) - Shrek ரீமிக்ஸ்

2007-06-21T00:23:00.000+02:00

அற்புதமான காதல் பாடல் யுவன் சங்கர் இசையில். படக்காட்சி Shrek-1லிருந்து.

Dont Miss: குத்தாட்டம்- கும்பிடபோன தெய்வம் - ஜெயலலிதா - ரீமிக்ஸ்

குத்தாட்டம்- கும்பிடபோன தெய்வம் - ஜெயலலிதா - ரீமிக்ஸ்

2007-06-18T22:32:00.000+02:00

தற்செயலாய் இன்று youtube-ல் பார்க்க நேர்ந்தது. தமிழ் கூறும் நல்லுலகம் பார்த்து மகிழ....
Remix அருமை.

ஏட்டிக்குப்போட்டி

2007-06-11T22:48:00.000+02:00

இப்படிச்செய்யாதே என்று சொன்னால் ஏட்டிக்குப்போட்டியாய் செய்வதெற்கென்றெ சிலர் உள்ளனர்.

ஜுரிச் ஒரு நாள் பயணம்

2006-09-25T22:08:00.000+02:00

ஜுரிச் பலரும் நினைப்பதுபோல சுவிட்சர்லாந்தின் தலைநகரம் அல்ல. பெர்ன் நகரமே அதன் தலைநகரம். சுவிட்சர்லாந்து ஐரோப்பிய யூனியனிலும் உறுப்பினர் கிடையாது. அதனால் அங்கு இன்னமும் சுவிஷ் பிராங்க் பணம் தான் உபயோகத்தில் உள்ளது. ஜுரிச் நகரை மலையும், மலை சார்ந்த நகரம் எனலாம். எங்கு திரும்பினாலும் பசுமையான மலைகள் தான். சென்ற மாதம் ஒரு நாள் வேலையாக அங்கு சென்றபோது, கிடைத்த நேரத்தில் சற்று சுற்றி பார்த்தேன்.

பார்க்க வேண்டிய முக்கியமான இடங்கள்.

1) ஜுரிச் ஏரி

2) ஏரியின் அருகில் தேவாலயம்

3) Bahnhof Strasse (இரயில் நிலைய தெரு)
இந்த தெருவில் தான் உலகப் புகழ்பெற்ற வங்கிகளான UBS, Credit Suisse வின் தலைமையகம் உள்ளது.

மேலும் நேரம் இருந்தால் Museum மற்றும் Zoo வை பார்க்கலாம்.

சுவிஷ் பிராங்க் பணம் புழக்கத்தில் இருந்தாலும் எல்லா கடைகளிலுமே ஈரோ பணம் வாங்கிக் கொள்கிறார்கள். ஆனால் சில்லரை பிராங்கில் தான்.

உள்ளூர் பயணத்திற்கு டிக்கட் எடுக்கும் மெஷின்களில் நாணயம் மட்டுமே போட முடியும். பண நோட்டுகளை செலுத்த முடியாது. இரயில் மற்றும் Tram வண்டிகளும் பழையதாக உள்ளது. ஜெர்மனி இந்த தொழில்நுட்ப விடயத்தில் ஒரு முன்னோடியாகவே உள்ளது.

3328 சன்னல்களை யார் துடைப்பது?

2006-06-01T21:57:00.000+02:00

சென்ற வாரம் வெள்ளிக்கிழமை (மே 26) ஜெர்மனியின் தலைநகர் பெர்லினில் புதிய இரயில்நிலையம் திறக்கப்பட்டது. சில சுவாரஸ்ய தகவல்கள்.

பரப்பளவு 90000 சதுர மீட்டர். 15 கால்பந்து விளையாட்டு மைதானங்களுக்குச் சமம்.
85 கிலோமீட்டர் நீளமுள்ள இரும்புத்தூண்கள் நிலையத்தை தாங்கிப்பிடித்துள்ளன.
0.5 மில்லியன் கியூபிக்மீட்டர் கான்கிரிட் கலவையும், 85000 டன் இரும்பிக்கம்பியும் உபயோகப்படுத்தப்பட்டுள்ளது.
5 அடுக்குகளைக் கொண்ட நிலையத்தில், 54 நகரும் படிக்கட்டுகள் அமைக்கப்பட்டுள்ளது. 34 லிப்டுகள் உள்ளது.
9000 விளக்குகளும், 3328 கண்ணாடி பலகைகளும் உபயோகப்படுத்தப்பட்டுள்ளது.
ஒவ்வொரு நாளும் 1100 வண்டிகள் வந்து போகும் மேலும் நாளொன்றுக்கு 300000 பயணிகள் வந்து போவார்கள் என எதிர்பார்க்கப்படுகிறது.
மொத்த செலவு: 700 மில்லியன் ஈரோ.

தகவல்: Bild நாளிதழ்

தேர்தல் முடிவுகள்

2006-05-11T00:14:00.000+02:00

செய்திகள் வாசிப்பது சரோஜ் நாரயணசுவாமி. தமிழகத்தில் நடந்து முடிந்த சட்டமன்ற தேர்தலின் வாக்கு எண்ணிக்கை இன்று நண்பகல் முடிவடைந்தது. இத்தேர்தலில் யாருமே எதிர்பார்க்காத வண்ணம் தமிழக மக்கள் ஒரு அதிர்ச்சியான தீர்ப்பை வழங்கியுள்ளார்கள்.

தேர்தல் முடிவுகள்.

தி.மு.க கூட்டணி 60
அ.தி.மு.க. கூட்டணி 50
தே.மு.தி.க. கூட்டணி 30
சுயேட்சைகள் 94

அனைத்து கூட்டணிகளும் தேர்தல் அறிக்கையில் சகலவிதமன இலவசங்களை அறிவித்திருந்தனர். மக்களை முட்டாள்களாக கருதிய இக்கட்சிகளுக்கு பாடம் புகட்டவே மக்கள் இவ்வாறான ஒரு முடிவை எடுத்து சுயேட்சைகளை அதிகளவில் வெற்றிபெற செய்துள்ளார்கள். வெற்றிபெற்ற சுயேட்சை வேட்பாளர்களும் மக்களின் இந்த முடிவை ஆதரித்து, தாங்கள் எந்த ஒரு கூட்டணியையும் ஆதரிக்காமல் எதிர்க்கட்சியாக செயல்படபோவதாக அறிவித்துள்ளார்கள். இந்த சூழ்நிலையில் தி.மு.க, அ.தி.மு.க மற்றும் தே.தி.மு.க கூட்டணி ஆட்சிக்கு மட்டுமே வாய்ப்புள்ளது. இக்கூட்டணி ஆட்சிக்கு வந்தால் இவர்கள் அறிவித்துள்ள இலவசங்கள் எல்லாம் தங்களுக்கு கிடைக்குமா என்பதே தமிழக மக்களின் இப்போதைய எதிர்பார்ப்பாகவுள்ளது!!!.

இலவசம்

2006-05-06T02:16:00.000+02:00

கலைஞர்:

உடன்பிறப்பே,
உறக்கத்தை விடு,
சமையல்கூடாரம் இடு,
இட்லி, தோசையை சுடு,
பசித்தோருக்கெல்லாம் கொடு,
தமிழனை முட்டாளாக இருக்க விடு.

செல்வி:
நாங்கள் ஆட்சிக்கு வந்தபோது, தமிழகமே பஞ்சத்தில் கிடந்தது. ஆனால் கடந்த 5 ஆண்டுகளில் தமிழகத்தில் பாலும் தேனும் ஆறாய் பெருக்கெடுத்து ஓடியது. தி.மு.க ஆட்சிக்கு வந்தால் எல்லோருக்கும் இட்லி, தோசை கொடுப்பார்களாம். அது முடியாத காரியம். ஏனென்றால் அவ்வளவு பேருக்கும் சேர்த்து மாவாட்ட தமிழ்நாட்டில் பெரிய கிரைண்டர் இல்லையே?? அதனால் தான் நான் சொல்கிறேன், நாங்கள் ஆட்சிக்கு வந்தால் எல்லோருக்கும் தினந்தோறும் பிரியாணி பொட்டலம் வழங்குவோம்.

கேப்டன்:

ஒரு தமிழனுக்கு சாப்பாடு இல்லைன்னா நான் அந்த தமிழனுக்கு சாப்பாடு கிடைக்கிறவரை சாப்பிடமாட்டேன். நான் தான் முதல்ல சாப்பாடைப்ப்த்தி பேசினேன். நாங்கள் ஆட்சிக்கு வந்தால் வீட்டிற்கு வந்து புல் மீல்ஸ் வழங்குவோம். அய்யா சாமி, அம்மா தாயே சோறு போடுங்கம்மா.. சீசீ ஓட்டு போடுங்கம்மா !!

போலியும் அதன் பரிமாணங்களும்

2006-05-04T23:08:00.000+02:00

போலி என்று சொன்னால் , இன்று தமிழ் வலைப்பதிவுலகமே நடுங்குகிறது. ஏன் என்று தான் புரியவில்லை. ஆனால் நான் என்றுமே போலியின் முதல் ரசிகனாக இருந்து வந்திருக்கிறேன். அதன் பல பரிமாணங்களையும் பார்த்து, ரசித்து, சுவைத்திருக்கிறேன். இங்கே உங்கள் மனம் குளிர போலியின் பல வகையான பரிமாணங்களையும் கொடுத்திருக்கிறேன்.

போலியிலே சிறந்த போலி ஸ்ரி கிருஷ்ணா ஸ்வீட்ஸ் போலி தான்.


தேங்காய் போலி	இனிப்பு போலி

மசாலா போலி

பின்குறிப்பு: போளி உண்ட மயக்கத்தில் போளி போலி ஆகிவிட்டது.

பிரமோத் மகாஜன் காலமானார் - பி.பி.சி. செய்தி

2006-05-03T15:14:00.000+02:00

பாரதிய ஜனதா கட்சியின் தலைவர்களுல் ஒருவரான பிரமோத் மகாஜன் இன்று காலமானார். பி.பி.சி. செய்தி

நீண்ட இடைவெளிக்குப் பிறகு

2006-04-30T15:06:00.000+02:00

நீண்ட இடைவெளிக்குப் பிறகு

Advents ஞாயிறுகள்

2005-12-18T22:45:00.000+01:00

கிறிஸ்துமஸ் க்கு முந்தைய நான்கு ஞாயிற்றுக்கிழமைகள், Advents ஞாயிறு என்று ஜெர்மனியிலும் மேலும் சில ஐரோப்பிய நாடுகளிலும் கொண்டாடப்படுகிறது. இன்று கடைசி Advents ஞாயிறு. இந்த விழாவைப் பற்றி எனக்கு தெரிந்தது அவ்வளவு தான். For more info contact www.google.com. நண்பர்களோடு சேர்ந்து கொண்டாட எனக்கும் அழைப்பு வந்தது.

ஒரு சில பாடல்கள், சிறிய நாடகம், Platzchen (A typical german christmas cake), நல்ல சாப்பாடு என இனிதே முடிந்தது. அங்கே பாலிமர் களிமண் (Polymer Clay) கொண்டு நான் செய்த யானை.

என் ஜன்னலுக்கு வெளியே

2005-12-17T16:11:00.000+01:00

இன்று காலை குளிர் காலத்தின் முதல் பனி. ரம்மியமான காட்சி.

கூகிளிசம் (googlism)

2005-12-14T01:36:00.000+01:00

கூகிள் தெரியும். கூகிளிசம்? www.googlism.com
கூகிள் நம்மைப் பற்றி என்ன சொல்கிறதென்று சொல்கிறார்கள் இங்கே. சரி நம்மைப்பற்றி என்ன சொல்கிறார்கள் பார்ப்போம் என்று என் பெயரை (saravanan) கொடுத்தேன். ஊரில் உள்ள எல்லா சரவணனைப் பற்றியும் சொன்னது. கடைசி வரியில் என்னைப் பற்றியும் சொன்னது.

saravanan is a psyco?? :-(

ஹல்லே (சாலே) பயணம்

2005-12-12T22:18:00.000+01:00

சில வேளைகளில் சில வேலைகளை செய்யாமலிருப்பது தான் நல்லது. நேற்றிரவு சரியாக 12.30 மணி. வலைப்பதிந்து விட்டு உறங்க நினைத்தேன். சரி. gmailஐ ஒருதடவை செக் பண்ணிடுவோம்னு நினைச்சா அங்கே சனியன் சம்மணமிட்டு உட்காந்துகிட்டு இருக்கு. அப்போது தான் நண்பர் ஒருவர் மடல் அனுப்பியிருந்தார். இந்த மடலை இன்றிரவே படித்துவிட்டால் உடனே பதில் எழுது. நாளை காலை 11 மணிக்கு தயாராய் இரு. ஹல்லே போவோம் என்று. சனியன்னு என் நண்பரைச் சொல்லலீங்க. என் விதியைச் சொன்னேன். அதிகாலை 9.30 ;-) மணிக்கெல்லாம் எழுந்து சூரிய நமஸ்காரம் பண்ணுவோம்னு நினைச்சா சூரியனைக் காணவில்லை. யாராவது பார்த்தா அவனை இந்த பக்கம் வரச் சொல்லுங்க. இன்றைக்கு முழுவதுமே இங்கே லீவு போட்டுட்டார். சரியா 11.15 க்கு கிளம்பி மதியம் 1 மணிக்கெல்லாம் போய்ச் சேந்தாச்சு. நண்பரின் கஸ்டமர் ஒருவரை சந்திக்க சென்றோம். இன்னைக்குன்னு சரியான குளிர். கஸ்டமரோ கட்டடம் கட்டும் பணியில் இருப்பவர். இழு இழுன்னு பேச்சை இழுத்துக்கிட்டே போனார். Sweat Shirt, Jacket போட்டிருந்தாலும் வேலைக்காகலை. குளிரிலேயே 4 மணி நேரம் நின்னேன். எனக்கு ஜெர்மன் மொழி மெதுவா பேசினாலே 50% தான் புரியும். ஆனா அவிங்க புல்லட் ரயில் வேகத்துல பேசுறாங்க. எனக்கு எல்லாம் புரியிறது மாதிரி தலையாட்டிகிட்டே நின்னேன். ஒரு வழியா 9 மணிக்கு வீட்டுக்கு வந்தாச்சு. மணி இப்போ இரவு 11. கணடிப்பா இன்னைக்கு ஒரு வேலை செய்யக்கூடாது. என்ன வேலைங்கறீங்களா?. முதல்ல இருந்து திருப்பி படிங்க.

பிறந்தநாள் வாழ்த்து

2005-12-12T00:37:00.000+01:00

டிசம்பர் 11. அவசரப்படாதீங்க. பிறந்தநாள் வாழ்த்து பாரதியாருக்கில்லை. பாரதியார் பிறந்தநாள் ஞாபகம் வர்றதே எங்க அண்ணன் பிறந்தநாள் ஞாபகம் வரும் போது தான். அவருக்கும் அன்னைக்குத்தான் பிறந்தநாள். Happy Birthday Anna. Same to you Bharathi. Incidentally, எங்க அண்ணன் பொண்ணு பேரும் பாரதி தான். பாரதி தான் தமிழில் எனக்கும் பிடித்த புலவன். பாடப்புத்தகதில உள்ள பாரதியின் கவிதைகள், சினிமா பாடல்களாக மாறிய சில பாடல்கள் மூலமாக மட்டுமே பாரதியை அறிவேன். கோவில்பட்டியில் படிக்கிறபோது ஒவ்வொரு வாரமும் எட்டயபுரத்தில் பாரதி பிறந்த வீட்டை கடந்துதான் செல்வேன். ஏனோ ஒரு முறை கூட உள்ளே சென்று பார்க்கவேண்டும் என்று தோணவில்லை. கண்டிப்பா அடுத்த தடவை பார்க்கணும்.

என் கதை முடியும் நேரமிது

2005-12-10T21:13:00.000+01:00

ரஜினி பேன் (விசிறிங்க, தலையில உள்ள பேன் இல்ல), கமல் பேனெல்லாம் என் கம்ப்யுட்டர் கிட்ட தோத்துடுவாங்க. ஆன் பண்ணினா 2 நிமிஷம் ஒரே விசில் சத்தம் தான். ஒரு வாரமா இப்படித்தான் இருக்குது. எனக்கென்னமோ அந்த சத்தம் சங்கொலி மாதிரியே இருந்தது. என் கதை முடியும் நேரமிது ன்னு கணி பாடுது. கூகிள் ஆண்டவனை நாடி வரம் வேண்டினேன். இது ஒண்ணும் புதுசு இல்லை நைனா. வயசாயிடுச்சு உன் பேனுக்கு (Processor fan). அவ்ளோதான் னு சொல்லுது. பேனை துடைச்சு பாரு. இல்லாங்காட்டி கடாசிட்டு புதுசு வாங்கிடுங்கறார்.

சென்னையில் ஒரு கார்காலம்

2005-12-09T23:54:00.000+01:00

சென்னையில் வரலாறு காணாத மழை, வெள்ளம். மீண்டும் மீண்டும் புயல். சாக்கடையாக இருந்த கூவத்தில் வெள்ளப் பெருக்கு. நடந்து கூட செல்லமுடியாத தெருக்களில் மக்கள் படகு சவாரி செய்கிறார்கள். இப்படி சென்னையில் ஒரு கார்காலம் நல்ல கார்- காலமாகவும் ஆகிவிட்டது. வந்தாச்சு வந்தாச்சு B.M.W வந்தாச்சு.

180 கோடி ரூபாய் முதலீட்டில் சென்னையை அடுத்த மறைமலை நகரில் வருகிறது. 6 ஆண்டுகளில் உற்பத்தி தொடங்கப்படும் என ஒப்பந்தம் இருந்தாலும் 2 ஆண்டுகளிலேயெ தொடங்க உள்ளதாம். ஓரளவேனும் வேலைவாய்ப்பு பெருகும். தமிழகத்தில் முதலீடு அதிகரிக்க இது நல்ல சமிக்ஞை.

அடுத்து VW (VolksWagen) சென்னைக்கு வந்துட்டா Daimler Chrysler (Mercedes) மட்டும் தான் பாககி ஜெர்மனியில்.

தினமலரும் பத்திரிக்கை தர்மமும்

2005-12-09T04:16:00.000+01:00

தினமலர் - தமிழ் நாளிதழ். தன்னை இங்கே இவ்வாறு கூறிக்கொள்கிறது.

1) Renowned for social awakening and public causes.
2) Non-Aligned to any political party or religion.

1) கடந்த ஒரு வருடமாக மீனாட்சியம்மன் கோவிலை உலக அதிசயமாக்க பிரச்சாரம் செய்கிறார்கள். அதுவும் ஒரு தனியார் நிறுவனத்திற்காக. கண்டிப்பாக அது மன்னார் & மன்னார் கம்பெனி தான். இது தான் தினமலரின் சமுதாய விழிப்புணர்வு (social awakening)

2) தினமலரை இணையத்தில் திறந்தாலே ஒரு சாமி (இந்து) படம் தான் கண்ணில் படும். சரி விசேட நாட்களில் போட்டால் பரவாயில்லை. எங்காவது ரோட்டோர பிள்ளையாரை யாராவது குளிப்பாட்டினால் கூட கும்பாபிஷேகமாக தலைப்புசெய்தியில் வருகிறது. Is this Non-aligned to any religion?

முதல் பாயின்டை பற்றி எனக்கு ஒரு கேள்வி. பத்திரிக்கையின் மீது தவறான தகவல் பரப்புவதாக வழக்கு தொடர வாய்ப்புள்ளதா?

யாமிருக்க பயமேன்?

2005-12-08T20:29:00.000+01:00

http://tringtring.blogspot.com - இல் இருந்து சுட்டது

புல்ல்ரிக்கவைக்கும் ரசிகர்கள.

R.S.S, BJP எல்லாம் ஏன் தொடப்பக்கட்டையை தூக்கலை?.

நாய் குட்டி

2005-12-05T21:17:00.000+01:00

மடிக்கணியும் நாய்குட்டியும் வைத்திருக்கிறீர்களா? இங்கே பாருங்கள்

பெண்ணியம்

2005-12-04T21:25:00.000+01:00

பெண்ணியம் பேசுபவர்களுக்காக மட்டும் ;-)

பீவிஷ் & பட்கெட்

2005-12-03T20:55:00.000+01:00

MTV ல பீவிஷ் & பட் கெட் ரொம்ப பேமஷ. always they talk shit. இவுங்க தான் இப்போ ஷோ நடத்துறாங்க.

முதலாளி

2005-12-02T23:29:00.000+01:00

நடன ம(ங்கை)ரம்

2005-11-24T03:00:00.000+01:00

இது போட்டோஷாப் வேலையான்னு தெரியலை

இன்டர்நெட் ******** தியரி

2005-11-09T22:41:00.000+01:00

மீண்டும் மீண்டும் சிரிப்பு 3

2005-11-04T00:52:00.000+01:00

மீண்டும் மீண்டும் சிரிப்பு 2

2005-10-29T14:17:00.000+02:00

மீண்டும் மீண்டும் சிரிப்பு 1

2005-10-27T21:07:00.000+02:00

மக்கள் தொகையை கட்டுப்படுத்த எளிய வழி

2005-10-26T22:13:00.000+02:00

விவாதம்

2005-10-25T22:48:00.000+02:00

யார் இவர்? கண்டுபிடியுங்கள் பார்க்கலாம

2005-10-20T22:39:00.000+02:00

Are you sad?

2005-10-13T23:07:00.000+02:00

நாட்டு நடப்பு

2005-09-04T19:04:00.000+02:00

தமிழக பொறியியற் கல்லுாரி மாணவர்களுக்கு உடை மற்றும் பிற நடத்தை விடயங்களில் சில கோட்பாடுகளை அண்ணா பல்கலைகழகம் வரையறுத்துள்ளது. அதில் முக்கியமானவை இங்கே.

1) கல்லுாரி வளாகத்திலோ, வகுப்பறையிலோ கைத்தொலைபேசிகளை உபயோகிக்க கூடாது.

2) நாகரிகமான (?) உடை அணிந்து வரவேண்டும்.
* ஆண்கள் ஜுன்ஸ், டி சர்ட் அணிய கூடாது.
* பெண்கள் கையில்லாத சட்டை, குட்டை பாவாடை அணிய கூடாது.

3) கல்லுாரியில் நடைபெறும் கலைநிகழ்ச்சிகளில் சினிமா பாடலோ, சினிமா பாடலுக்கு நடனமோ அல்லது சினிமா சம்பந்தப்பட்ட நிகழ்ச்சிகளோ இருக்ககூடாது.

முதல் பாயிண்ட் சில மாற்றங்களோடு ஏற்ககூடியதாக இருக்கிறது. பி.பி.சி. தமிழோசையில் பல்கலை முதல்வர் விசுவநாதன் பேசியபோது சில வாதங்களை வைத்தார். வகுப்பு நடந்து கொண்டிருக்கும்போதே சில மாணவர்கள் குறுஞ்செய்தி அனுப்புகிறார்கள். இல்லையென்றால்
கைத்தொலைபேசியில் கேம்ஸ் விளையாடுகிறார்கள் என்றார். கவனிக்கப்பட வேண்டிய வாதம். ஆனால் வகுப்பிற்கு வெளியிலும், பல்கலை வளாகத்திலும் அனுமதிக்கலாம். அதனால் ஒன்றும் ஆகிவிடப்போவதில்லை.

உடை விடயம் பத்தாம் பசலித்தனமானது. நாகரிகமான உடை என்று பொத்தாம் பொதுவாக கூறுவது குழப்பத்தை விளைவிக்க கூடியது. எது நாகரிகம்? என்பதற்கு அளவுகோல் கிடையாது. நாகரிகம் என்பது ஒருவருக்கொருவர் மாறுபடும் விடயம். எனக்கு நாகரிகமாக தெரிவது மற்றொருவருக்கு அநாகரிகமாக தெரிய வாய்ப்புண்டு. ஜுன்ஸ், டி சர்ட் எல்லாம் நாகரிகமில்லையா? பெண்களின் உடை கட்டுப்பாடு பற்றி விசுவநாதன் கூறியது சரியான
சப்பைக்கட்டு. பெண்கள் குட்டை பாவாடை அணிவதால் தான் ஈவ் டீசிங் அதிகரித்துவிட்டதாக கூறுகிறார். இது முட்டாள்தனமான வாதம். உடை கட்டுப்பாடுகள் எந்தவிதத்திலும் ஈவ் டீசிங்கிற்கு தீர்வாகாது. இன்னும் சொல்லப்போனால் எதிர்மறை விளைவுகளையே உண்டாக்கும்.

சினிமா இன்று தமிழரின் வாழ்க்கையில் ஒரு அங்கமாகிவிட்டது. கல்லுாரி கலை நிகழ்ச்சிகளில் சினிமாவை நீக்கினால் மாணவர்கள் பிற கலைகளில் தங்கள் திறனை வளர்க்கக் கூடும். ஆனால் சினிமாவும் ஒரு கலை தான் . அதையும் மறந்துவிட கூடாது. இது கிரிக்கெட்டைப் போலவே.
கிரிக்கெட்டை ஒழித்தால் தான பிற விளையாட்டுகள் இந்தியாவில் வளரும் என்று பலர் நினைக்கிறார்கள். அதைப்போல இதுவும் தீவிர விவாதத்திறகுட்படுத்தப்படவேண்டிய கருத்தே.

இதுவரை இதைப்பற்றிய சுற்றறிக்கை கல்லுாரிகளை வந்து சேரவில்லையாம். செயல்படுத்தும் முன்னால் கொஞ்சம் யோசித்தால் நல்லது.

*********************************************************************************************

சிலர் ஆழ்ந்த துாக்கத்தில் இருக்கும்போது, எவராவது எழுப்பினால் படபடப்புடன் காணப்படுவர். நாம் ஏதாவது சொன்னோமென்றால் பதட்டத்தில் கண்டதையும் பேசுவார்கள்; செய்வார்கள். நம் முதல்வர் இந்த ஒரு நிலையில் தான் இருக்கிறார் என நினைக்கிறேன். நன்றாக துாங்கிக்
கொண்டிருந்தவரை எழுப்பி, பிரதமர் சென்னை வருகிறார் என்று சொல்ல பிரதமர் வர்றாரா.. நானும் வர்றேன்.. சீ..சீ போறென்.. போகலை என்று பிதற்றுகிறார். திடீரென்று சேதுவை தோண்டாதே.. கால்வாயை மூடு என்று கரணமடிக்கிறார். நானும், எம்.ஜி.ஆரும் தான் இந்த திட்டத்துக்கு குரல் கொடுத்தோம். இதை எப்பாடுபட்டாவது செயல்படுத்துவோம் என்றெல்லாம் தேர்தல் வாக்குறுதியில் சொல்லியிருந்ததை கம்யுனிஸட் தலைவர் தா.பாண்டியன் குறிப்பிட்டு இப்படியெல்லாம் பேசிபுட்டு இப்படி செய்யலாமா என்று அங்கலாய்க்கிறார். செவிடன் காதில சங்கை ஊதலாமோ? T.R.பாலு தோண்டுறதெல்லாம் நிறுத்தமுடியாது. உன்னால முடிஞ்சத பாத்துக்கோமான்னு சவால் விடுறார். துாத்துக்குடி மாவட்ட மீனவர் சங்க தலைவர் கூட எங்க சந்தேகங்கதை தீர்த்துட்டு தோண்டுங்கன்னு தான் சொல்றார். அவர் என்ன செய்ய முடியும். அவுக பொழப்பு தான் இங்க அல்லாடுது.

சானியா்சா இரண்டாம் சுற்றில் வெற்றி

2005-08-31T21:56:00.000+02:00

U.S. Open

அமெரிகா ஓபன் இரண்டாம் சுற்றில் இந்தியாவின் சானியா மிர்சா, இத்தாலியின் மரியா எலினா வை 6-4, 1-6, 6-4 என்ற புள்ளி கணக்கில் வென்று மூன்றாம் சுற்றில் நுழைந்தார்.

Island Monkeys தீவுக் குரங்குகள்

2005-08-30T23:15:00.000+02:00

சென்ற ஞாயிற்றுக்கிழமையோடு இந்த ஊரின் 799 ஆம் வருட பிறந்தநாள் கொண்டாட்டமெல்லாம் முடிந்தது. நானும் போய் பாத்துட்டு வந்தேன். குழந்தைகள் எல்லாம் குரங்குகள் போல குதிப்பதற்கு Trempoline gymnastics (spelling சரியா?) மாதிரி ஒரு விளையாட்டு இருந்தது. பெரியவர்களும் வானத்திலிருந்து குதித்துக்கொண்டு இருந்தார்கள். நம்ம விஜய் குஷி படத்துல குதிப்பாரே. அதே விளையாட்டு தான்.

அப்படி போகும்போது நான் எடுத்த படம் இங்கே. இது உலகப் புகழ்பெற்ற, சரி ஐரோப்பிய, சரி சரி ஜெர்மனியின் புகழ்பெற்ற செம்பர் ஓபெரா (Semper Oper). ஜெர்மனியில் இருப்பவர்கள் Radeberger பீர் விளம்பரத்தில் பார்த்திருக்கலாம். என்ன கிரகமோ தெரியலை அன்னிக்கின்னு பாத்து காமிராவை ஒழுங்கா பிடிச்சு தொலைச்சுட்டேன்.

சரி அதென்ன தலைப்பு Island Monkeys. ஜெர்மன் மாணவர்கள் இங்கிலாந்துக்காரர்களை இப்படித்தான் செல்லமா கூப்பிடுறாங்க.

சானியா மிர்சா முதல் சுற்றில் வெற்றி

2005-08-29T22:30:00.000+02:00

U.S. Open

சற்றுமுன் நடந்து முடிந்த முதல் சுற்றில் இந்தியாவின் சானியா மிர்சா, அமெரிக்காவின் வாஷிங்டனை 7-6, 6-7, 6-4 என்ற புள்ளி கணக்கில் வென்று இரண்டாம் சுற்றில் நுழைந்தார்

இரயில்வே தேர்வாணையத்திற்கு மேலும் சில கேள்விகள்

2005-04-12T21:09:00.000+02:00

இரயில்வே தேர்வில் கேட்கப்பட்ட கேள்வி பற்றி பாஸ்டன் பாலா எழுதியிருக்கிறார்.

தேர்வாணையத்திற்கு என்னால் முடிந்த உதவி இங்கே.

1) கமலகாசனிடம் முத்தம் வாங்காத நடிகை யார்?
சுகன்யா
வசுந்தரா தாஸ்
அபிராமி
நதியா

2) பாபாவில் ரஜினியின் கதாநாயகி யார்?
நயன்தாரா
ஜோதிகா
சிம்ரன்
மனிஷா கொய்ராலா

3) (தரு) தல என்று இரசிகர்களால் அறியப்படுபவர் யார்?
விஜய்
விஜய்காந்த்
அஜித்
ரஜினி

4) ரீமேக் நாயகன் யார்?
ரவி
தனுஷ்
சிம்பு
சிபி

5) முதலமைச்சராக நினைப்பவர்கள் யார்?
ரஜினி
விஜயகாந்த்
சரத்குமார்
எல்லா நடிகர்களுமே

Nokia- Made in Chennai.

2005-04-06T23:16:00.000+02:00

நோகியா செல்பேசி நிறுவனம் சென்னையில் தனது செல்பேசிகளை தயாரிக்க திட்டமிட்டுள்ளது - இந்து செய்தி

முதலில் 24 மில்லியன் செல்பேசிகளை தயாரிக்க இந்நிறுவனம் திட்டமிட்டுள்ளது. GSM மற்றும் CDMA தொழில்நுட்ப செல்பேசிகள் இங்கு தயாரிக்கப்படும். செல்பேசிகளை இந்தியா மட்டுமல்லாமல், வெளிநாடுகளுக்கும் ஏற்றுமதி செய்ய திட்டமிட்டுள்ளனர். இனி வெளிநாடுகளிலும் விரைவில் Made in India வை பார்க்கலாம்.

GMail infinity+1 storage and Google Gulp

2005-04-05T23:27:00.000+02:00

ஏப்ரல் 1 ஆம் தேதி கூகிள் வழங்கும் ஜிமெயிலுக்கு முதல் பிறந்தநாள். GMail மின்னஞ்சலில் infinity+1 storage வழங்க இருக்கிறார்கள். infinity+1 என்பது நடைமுறையில் சாத்தியமில்லை என்றாலும் அதை நோக்கி முன்னேற ஆரம்பித்துள்ளார்கள். இங்கே காண்க.

கூகிள் அறிமுகப்படுத்தும் பானம் Google Gulpஐ பற்றி மேலும் அறிய.

அந்த குரங்கின் விலை மட்டும் 10000 டாலரா?

2005-04-04T21:14:00.000+02:00

குரங்கு விற்கும் கடைக்கு ஒருவன் சென்றான். அங்கு பல குரங்குகள் கூண்டில் அடைக்கப்பட்டிருந்தன. மற்றொருவன் அங்கு வந்து ஒரு குரங்கை 2000 டாலருக்கு வாங்கி சென்றான். அவனுக்கோ ஆச்சரியம். குரங்கின் விலை 2000 டாலரா? கடைக்காரரிடமே சென்று கேட்டான். கடைக்காரர் சொன்னார். அந்த குரங்கிற்கு C Program எழுதத் தெரியும். அதனால் தான் அந்த விலை என்று. இன்னொரு குரங்கைக் காட்டி, அதற்கு JAVA தெரியும் என்றும் அதன் விலை 4000 டாலர் என்றும் கூறினார். அதற்கடுத்தார் போல உள்ள குரங்கு C++ குரங்கு. அதன் விலை 5000 டாலர் என்றார். கடைசியாக ஒரு கூண்டில் உள்ள குரங்கை காட்டி அதன் விலை 10000 டாலர் என்றார். ஏன் அந்த குரங்கிற்கு எல்லாமே தெரியுமா என்று இவன் கேட்க கடைக்காரர் சொன்னார். அந்த குரங்கிற்கு எதுவுமே செய்யத் தெரியாது. ஆனால் மற்ற குரங்குகள் எல்லாம் அந்த குரங்கை Project Leader என்று கூப்பிடுகின்றன.

அல்வாசிட்டி அவர்களின் இந்த பதிவை பார்த்தபிறகு எனக்கு வெகுநாட்களுக்கு முன்பு படித்த இந்த ஜோக் ஞாபகம் வநதது.

மறக்க முடியாத முகங்கள் - ரஜினியும் நிஜ பாபாவும்

2005-04-01T21:27:00.000+02:00

இந்த பாபாவை தெரிகிறதா?. ரஜினியின் பாபா படத்திற்கு பிரிவியு பார்க்க வந்த இடத்தில் ரசிகர்கள் இடித்ததால் உடல்நலம் குன்றி மரணமடைந்த அதே பாபா தான்.

இது ரசிகர்களின் தவறா? ரஜினியின் தவறா? படம் பார்க்க வந்த பாபாவின் தவறா?

Thirukகுறளின் 134வது அதிகாரம்

2005-03-31T20:39:00.000+02:00

Thiruகுறளின் 134வது அதிகாரம் (IT அதிகாரம்) சமீபத்தில் கண்டறியப்பட்டுள்ளது. அந்த அதிகாரம் பின் வருமாறு

Bug கண்டுபிடித்தாரே ஒருத்தர் அவர்நாண
Debug செய்து விடல்

Copy-Paste செய்து வாழ்வாரே வாழ்வார்
மற்றெல்லாம் codingகெழுதியே சாவர்

எம்மொழி மறந்தார்க்கும் job உண்டாம்
jobஇல்லை 'C'யை மறந்தார்க்கு

Logic Syntax இவ்விரண்டும் கண்ணென்பர்
Program செய் பவர்

Netல் தேடி copy அடிப்பதின்
மூலையிலிருந்து logic யோசி

பிறன் Code நோக்கான் எவனோ
அவனே Tech Fundu

எதுசெய்யார் ஆயினும் Compileசெய்க செய்யாக்கால்
பின்வரும் syntax error

எது தள்ளினும் projectல் requirement
தள்ளாமை மிகச் சிறப்பு

Chatடெனில் yahoo-Chat செய்க இல்லையேல்
Chatடலின் Chatடாமை நன்று

Bench Project email இம்மூன்றும்
programmer வாழ்வில் தலை.

நன்றி:- இதுபோல அடிக்கடி எனக்கு மின்னஞ்சல் அனுப்பும் சென்னை வெங்கட்ராமனுக்கும், குவைத் சுப்ரமணியனுக்கும். இவர்களால் தான் என் ப்ளாகே ஓடுது.

இப்படியெல்லாம் செய்தால் நீங்கள் இந்தியர்கள்...

2005-03-30T22:41:00.000+02:00

இப்படி எனக்கு ஒரு பெரிய மடல் வந்தது. அதில் இந்தியர்கள் செய்யும் பல விசயங்கள் நையாண்டியுடன் சொல்லப்பட்டுள்ளது. எல்லாமும் எல்லாருககும் பொருந்தாவிட்டாலும் அதில் பல ரசிக்கத்தக்கதாகவே உள்ளது.

பெரிய லிஸ்டாக உள்ளதால் மொழிபெயர்த்து என் தமிழ் பதிவில் பதியும் எண்ணமில்லை. பார்க்க விரும்புபவர்கள் இங்கே (என் ஆங்கில பதிவில்) பார்க்கலாம்

முப்பரிணாம(3D photos) படங்களை பார்ப்பது எப்படி?- Parallel Viewing

2005-03-30T20:09:00.000+02:00

முப்பரிணாம படங்களை அவ்வப்போது ஆனந்தவிகடனிலோ வேறு பத்திரிக்கைகளிலோ பார்க்கலாம். இந்த 3D படங்களை பார்ப்பதில் Parallel Viewing என்ற நுட்பமும் அடங்கியிருக்கிறது. இந்த Parallel Viewing-ஐ நாமே 30 நொடிக்குள் செய்து பார்க்கலாம். இதன் பெயர் Frankfurter Experiment. நீங்கள் சரியாக செய்யும் பட்சத்தில் உங்கள் விரல் கீழேயுள்ள படத்தில் உள்ளது போல அந்தரத்தில் தொங்கும்.

இதை செய்யும் பொழுது கணிணியை பார்த்து செய்யகூடாது.

1) துாரத்தில் உள்ள ஏதாவது ஒரு பொருளை பாருங்கள். உங்கள் பார்வையை அந்த பொருளின் மீதே வைத்திருங்கள்.

2) இப்போது மேலே உள்ள படத்தில் உள்ளது போல இரண்டு சுட்டுவிரல்களையும் தொடுமாறு வைத்துக்கொண்டு, உங்கள் பார்வை கோட்டின்(line of sight)பாதையில் நிறுத்துங்கள். உங்கள் விரல்களை பார்க்க முயற்சிக்காதீ்ர்கள். துாரத்தில் உள்ள பொருளையே பாருங்கள்.

3) இரு விரல்களையும் சிறிது இழுங்கள். இப்போது அந்தரத்தில் உங்கள் விரலின் சிறிதுபாகம்
தொங்கிக்கொண்டிருக்கும். பின் விரல்களை மெல்ல மேலும் கீழும் ஆட்டலாம். எக்காரணத்தைக்கொண்டும் விரல்களை பார்க்க முயற்சிக்காதீர்கள்.

இந்த நுட்பம் 3D படங்களை பார்ப்பதிலும் பயன்படுகிறது.

ரோபோகப் - RoboCup

2005-03-29T21:39:00.000+02:00

ரோபோட் (Robot) என்ற சொல் செக்கஸ்லோவியாகாவில் இருந்து வருகிறது. அதன் பொருள் அடிமை என்பதே. நான் இங்கு கூறவருவது வருடந்தோறும் நடைபெறும் ரோபோகப் பற்றியே. இந்த போட்டியின் நோக்கம் 2050 ஆம் ஆண்டிற்குள் கால்பந்தாட்டத்தில் தனித்து இயங்கக்கூடிய, மனிதர்களை வெல்லக்கூடிய ரோபோக்களை வடிவமைப்பது தான். சென்ற வருடம் இப்போட்டி போர்ச்சுகலி்ல் நடந்தது. அங்கு கால்பந்து ஆடிய ரோபோக்களின் வீடியோ (10 MB) படத்தை இங்கே பார்க்கலாம். 2005 ஆம் ஆண்டு இப்போட்டி ஜப்பானில் நடக்கிறது. இந்த போட்டியில் பலவிதமான ரோபோக்களை பார்க்கலாம். குறிப்பாக தொழிற்சாலைகளில் உபயோகப்படுத்துவது, இயற்கை சீற்றங்களின் போது உபயோகப்படுத்துவது என பலவற்றை பார்க்கலாம்.

இந்தோனேசியாவில் தமிழர்கள்.

2005-03-27T23:47:00.000+02:00

அஸ்வின், அரி சப்தவிஜயா, இந்திராவதி.... இவர்களெல்லாம் பல்கலைக்கழகத்தில் என்னுடைய சக மாணவர்கள். இவர்கள் அனைவரும் இந்தோனேசியாவிலிருந்து வருபவர்கள். புத்த மதத்தை சேர்ந்தவர்கள். அதனால் இப்பெயர்கள் ஒன்றும் வித்தியாசமாகத் தோன்றவில்லை எனக்கு. ஆனால் இன்னொரு மாணவனின் பெயர் கிருஷ்ணாதி. இம்மாணவன் ஒரு முஸ்லிம்.

சென்ற வாரம் இந்தோனேசியர்களால் சுனாமி நிதி திரட்டுவதற்காக ஒரு நிகழ்ச்சி ஏற்பாடு செய்யப்பட்டு இருந்தது. அங்கே இந்தோனேசியாவைப் பற்றி ஒரு விளக்கப்படம் காண்பிக்கப்பட்டது. அதில் சொல்லப்பட்ட செய்தி ஒன்று எனக்கு ஆச்சர்யமாக இருந்தது. கி.பி. 5 முதல் கி.பி. 15 ஆம் நுாற்றாண்டு வரை இந்தோனேசியா ஒரு இந்து நாடாக இருந்து வந்துள்ளது. அதன் பிறகே அங்கு அனைவரும் இஸ்லாம் மதத்தைத் தழுவியுள்ளனர். இந்நிலையில் இந்தோனேசியாவில் தமிழர்களும் அதிகளவில் வாழ்வதாக Jakarta Post-ல் வெளிவந்துள்ள கட்டுரையில் படித்தேன்.

அந்த கட்டுரையில் ஆச்சர்யப்படவைக்கும் இன்னொரு செய்தி என்னவென்றால் இன்று ஐரோப்பாவின் மிகப்பெரிய பணக்காராக விளங்கும் லஷ்மி மிட்டால் 1970-ல் இந்தியாவை விட்டு இந்தோனேசியாவிற்குத் தான் முதலில் சென்றாராம்.

Optical Illusion.

2005-03-26T22:10:00.000+01:00

அல்வாசிட்டி அவர்களின் பதிவில் அரூபம் என்று ஒரு பதிவு இட்டிருந்தார். அதைப்பற்றி கூகிளிய போது www.eyetricks.com என்ற இணைய பக்கத்தை பார்க்க நேர்ந்தது. அதில் இதைப் போல பல படங்கள் இருக்கின்றன.

சில இங்கே.

இதில் எத்தனை கரும்புள்ளிகள் உள்ளன என கணெக்கெடுக்க முடியுமா?

ஆத்திசூடி என்றால் என்ன?

2005-03-26T15:39:00.000+01:00

TSCII இணைய குழுமத்தில் நண்பர் ஒருவர் ஆத்திசூடி என்ற வார்த்தைக்கான ஆங்கில மொழிபெயர்ப்பை கேடடிருக்கிறார். இருவேறான பதில்களை நான் படித்தேன்.

ஒருவர் ஆத்தி என்பது ஒரு மலர் என்றும், சூடி என்பது சூடுவது என்றும் கூறுகிறார். இதன்படி aathi adorned என்று கூறலாம் என்கிறார்.

இன்னொருவர் சூடி என்பது சுவடி என்பதன் மறுவலாகவும், ஆத்தி என்பது ஆதி என்பதன் மறுவலாகவும் இருக்கலாம் என்கிறார்.

இதன் உணமையான பொருள் அறிந்தவர்கள் விளக்கினால் நல்லது.

Nasdaq-100 சானியா முதல் சுற்றில் தோல்வி

2005-03-25T00:49:00.000+01:00

மியாமி-யில் நடைபெற்று வரும் Nasdaq-100, WTA Tour போட்டியின் முதல் சுற்றில் ஸ்பெயினைச் சேர்ந்த சாங்செச் லொரென்சோவிடம் 2-6, 5-7 என்ற செட் கணக்கில் தோல்வியடைந்தார்.

சுனாமி நிதி - டிரெஸ்டனில் இசை நிகழ்ச்சி

2005-03-24T23:20:00.000+01:00

இன்று டிரெஸ்டன் பல்கலைக்கழகத்தின் சார்பில் இந்தியாவில் சுனாமியால் பாதிக்கப்பட்டோருக்காக நிதி திரட்ட ஒரு இசை நிகழ்ச்சி ஏற்பாடு செய்யப்பட்டு இருந்தது. கடந்த ஜனவரி மாதம் இந்தியர்கள் தனியாக நிதி திரட்டி இந்திய செஞ்சிலுவைச்சங்கத்திடம் அளித்திருந்தாலும் இம்முறை அதிகாரப்பூர்வ நிகழ்ச்சி.

சரியாக இரவு 7.00 மணிக்கு நிகழ்ச்சி ஆரம்பமானது. டோரின் செய்டோவ்ஸ்கி பெளஸ்ட் (இதை வாசிக்கும் போது வாய் சுளுக்கினால் நான் பொறுப்பல்ல) என்ற ஜெர்மன் பெண்மனி தாகூர் கீர்த்தனைகள் பாடினார். மரியோ பெளஸ்ட் சிதார் வாசிக்க, சிங்கப்பூரில் பிறந்து தற்போது பெர்லினில் வசிக்கும் ரவி சீனிவாசன் தபேலா வாசித்தார். இவர்கள் கடைசியாக இந்துஸ்தானியையும் மேற்கத்திய இசையையும் இணைத்து இசைக்க அதுவே நிகழ்ச்சியின் சிறப்பம்சமாக அமைந்தது.

8.00 மணிக்கு சிறிய இடைவேளை. இங்குள்ள இந்திய உணவகம் கடை விரித்திரிந்தார்கள். 5 நிமிடத்தில் மாங்கோ லஸ்ஸியைத் தவிர அனைத்துமே காலியாயிருந்தது.

8.30 மணிக்கு புதுதில்லியிலிருந்து வந்திருந்த பேராசிரியர் சுபேந்து கோஷ் வட இந்திய இசையும், தென்னிந்திய கர்நாடக இசையையும் இசைத்தார். பல நாட்டை சேர்ந்தவர்கள் இந்நிகழ்ச்சிக்கு வந்திருந்தனர். 400 முதல் 500 பேர் வந்திருப்பார்கள் என நினைக்கிறேன்.

சொல்ல மறந்துட்டேனே. இடைவேளையின் போது உண்டியல் குலுக்கினோம். மேலும் அரங்கிற்கு வெளியேயும் உண்டியல்கள் வைக்கப்பட்டிருந்தன. கணிசமான உதவி கிடைத்தது.
விரைவில் இப்பணம் இந்தியாவிற்கு அனுப்பிவைக்கப்படும்.

நினைப்பதெல்லாம் நடக்காவிட்டால்?

2005-03-23T22:55:00.000+01:00

நினைப்பதெல்லாம் நடந்துவிட்டால் -ன்னு தமிழ் பாட்டு இருக்குது. அந்த படத்தில் ஜெமினி பாடுவாரான்னெல்லாம் எனக்கு தெரியாது. இது ஜெமினிய பத்தி கிடையாது. ரெண்டு நாளா நான் நினைக்கிறது எதுவுமே நடக்கலை. அது உட்காந்துகிட்டிருக்குன்னு யாரும் கடிச்சுடாதிங்க. அப்படி என்னய்யா நடக்கலைன்னு அதை தெரிஞ்சுக்க ரொம்பபேருக்கு ஆசையா இருக்கும். அவங்களை நான் ஏமாத்த விரும்பலை. என் ஆங்கில பதிவில் ஒரு சாம்பிள் பார்க்கலாம்.

நினைச்சது கிடைக்கலேன்னா கிடைச்சதை நினைச்சுக்கோன்னு பலபேரு சொல்லிட்டாங்க. நீங்க என்ன சொல்றீங்கன்னு இந்த சின்ன பையனுக்கு பின்னுாட்டத்தில சொல்லுங்க.

Nuke Shop

2005-03-18T21:34:00.000+01:00

மின்னஞ்சலில் எரிதங்களை எப்படி வகைப்படுத்துகிறார்கள்

2005-03-16T13:00:00.000+01:00

This is just a repost. Suddenly I lost this post yesterday... Some people say its because of long title.... So I have reduced the title length

தமிழில் scientfic journal வெளிவர இருப்பதாக முத்து எழுதியிருக்கிறார். வலைப்பதிவுகளில் கூட சிலர் அறிவியலைப் பற்றி எழுதுகிறார்கள். சரி நம்மளும் நமக்குத் தெரிஞ்சதை எழுதுவோமே.
போன வருசம் Practical Data Mining-னு ஒரு பாடம் படிச்சேன். வாத்தியார் Dr.பேட்டர் கிரிகேரியோவ். ரஷ்யாகாரர். Guest Lecture குடுக்க வந்தாரு. Machine Learning, Mining algorithms-னு என்னென்னமோ நடத்துனாரு. புரிஞ்சா தானே.

கடைசியா பரிட்சை இவ்வளவு தான். ஒவ்வொருத்தருக்கும் 2000 மின்னஞ்சல்களை கொடுத்துட்டாரு. QuDA-வை (அவரே எழுதியது தான்) வைச்சு அதிலுள்ள எரிதங்களையெல்லாம் கண்டுபிடிக்கனும். கண்டுபிடிச்சு மார்க் வாங்கியாச்சு. இதெல்லாம் யாருக்கு வேணும்கிறிங்களா.

என்ன விசயம்னா எரிதங்களை வகைப்படுத்தும்போது 100% கண்டுபிடிக்க முடியறதில்லை. இன்றைக்கு வணிகரீதியாக பல நல்ல மென்பொருள்கள் வந்துடுச்சு. ஆனாலும் Rediff போன்ற இலவச மின்னஞ்சல் வசதி கொடுப்பவர்கள் தரமான spam filter உபயோகப்படுத்துவதில்லை. பலமுறை முக்கியான மடல்கள் JunkMail folder க்குள் போய்விடுகிறது. அதனால் JunkMail or BulkMail போல்டரை தினந்தோறும் பாக்கலைனா கூட வாரத்துக்கொருதடவையாவது பாக்குறது நல்லது. இதுல இன்னொரு பிரச்சனை என்னான junkmail-ஐ நீக்கினால் அது நிரந்தரமாக நீங்கிவிடும்(in rediff, not sure about others). குப்பைத்தொட்டி (Trash) போல்டருக்கு போகாது. எனவே கவனம் தேவை.

பத்தாயிரம் ரூபாய்க்கு கணிணி.

2005-03-15T20:47:00.000+01:00

ரீடிப்பில் இந்த செய்தியை படித்தேன். கொல்கத்தாவைச் சேர்ந்த Xenitis Infotech என்ற நிறுவனம் 9900 ரூபாய்க்கு கணிணி விற்க ஆரம்பித்துள்ளது. இப்போது தென்னிந்தியாவைத் தவிர மற்ற இடங்களி்ல் அறிமுகப்படுத்தியுள்ளனர். விரைவில் தென்னிந்தியாவிலும் விற்பனையைத் துவக்க திட்டமிட்டுள்ளனர். இதனால் நகர்ப்புற மற்றும் கிராமப்புற நடுத்தர மக்கள் கணிணி வாங்க முன்வருவார்கள் என்பது நிச்சயம். இது சிரிக்ஸ் பிராசருடன் வருகிறது என்பது கவனிக்க வேண்டிய விசயம். Intel மற்றும் AMD அளவுக்கு தரம் இருக்காது என்றாலும் மிக குறைந்த விலையில் கிடைப்பதால் அனைவரும் விரும்பி வாங்குவார்கள் என நினைக்கிறேன்.

இதன் மற்ற பாகங்களைப் பற்றி அறிந்தவர்கள் எவரேனும் எழுதினால் நல்லது.

அம்மா அம்மம்மம்மா.......... No Comments...

2005-02-24T11:46:00.000+01:00

இவர்களெல்லாம் முன்னால் அமைச்சர்களா, இந்நாள் அமைச்சர்களா தெரியாது.

வைத்தியலிங்கம்

தம்பிதுரை

தளவாய்சுந்தரம்

சுகாதாரதுறை செம்மலை

சண்முகநாதன்

நிதியமைச்சர் பொன்னையன்

பொதுப்பணித்துறை பன்னீர்செல்வம்.

பாண்டுரங்கன்

சட்ட அமைச்சர் ஜெயகுமார்

ஜுவானந்தம்

தனபால்

அன்வர் ராஜா

வளர்மதி

வேலுச்சாமி

புஷ் - ஐரோப்பிய பயணம்

2005-02-23T01:16:00.000+01:00

ஐரோப்பா பயணம் வந்துள்ள அமெரிக்க அதிபர் புஷ், நேற்று பெல்ஜியம் தலைநகர் பிரஸல்ஸில் ஐரோப்பிய கூட்டமைப்பின் தலைவர்களோடு விவாதத்தில் கலந்து கொண்டார்.

புஷ் வருகையின் குறிக்கோள்கள்.

1)நேடோ அமைப்பின் எதிர்காலம் பற்றி விவாதிப்பது. புஷ் வருவதற்கு முன்னால் நேடோ அமைப்பில் சீர்திருத்தங்கள் தேவை என்று ஜெர்மன் சான்சலர் ஸ்க்ராய்டர் கூறியது சலசலப்பை ஏற்படுத்தியுள்ளது இங்கே கவனிக்கத்தக்கது.

2)மத்திய கிழக்கு அமைதி/அமெரிக்க நடவடிக்கைக்கு ஆதரவு திரட்டுவது.

3)ஈரான், வடகொரியா அணுஆயத பிரச்சனை பற்றி பேசுவது. பொருளாதார சலுகைகளுக்கு மாற்றாக அணுஆயுத திட்டத்தை கைவிடுமாறு பிரான்சும், ஜெர்மனியும் ஈரானுடன் பேரம் தொடங்கியுள்ளனர்.

4)சிரியாவுடன் ஏற்பட்டுள்ள மோதல் சூழ்நிலை பற்றியும் விவாதிக்கிறார்.

5)இவையெல்லாவெற்றிற்கும் மேலாக, ஈராக் போருக்கு பின்னால் பிரான்ஸ், ஜெர்மனியுடன் ஏற்பட்ட சுணக்கத்தை சரிப்படுத்துவது.

இன்று ஜெர்மனிக்கு சில மணி நேரங்கள் வருகை தருகிறார். புஷ் சின் இந்த வருகைக்கு பலமான எதிர்ப்பு இருப்பதால் வரலாறு காணாத பாதுகாப்பு ஏற்பாடு செய்யப்பட்டிருக்கிறது.

கடவுள் மனிதனைப் படைத்த போது... - ஒரு நகைச்சுவை துணுக்கு

2005-02-22T14:02:00.000+01:00

கடவுள்: கழுதையைப் படைத்து அதனிடம் சொன்னார். நீ கழுதையாகப் பிறந்து, நாள் முழுவதும் பொதி சுமப்பாய். உனக்கு சிந்திக்கும் திறனே கிடையாது. புல்லைத் தின்று 50 ஆண்டுகள் வாழ்வாய்.

கழுதை: கழுதையாகப் பிறந்து 50 ஆண்டுகள் வாழ விருப்பமில்லை. 20 ஆண்டுகளே போதும்.

கடவுள்: அப்படியே ஆகட்டும்

கடவுள்: நாயைப் படைத்து அதனிடம் சொன்னார். நீ மனிதனின் வீட்டை பாதுகாத்து அவனுக்கு நல்ல நண்பனாய் இருப்பாய். மனிதன் தரும் மிச்ச மீதிகளை உண்டு 30 ஆண்டுகள் வாழ்வாய்.

நாய்: 30 ஆண்டுகள் எனக்கு அதிகம். 15 ஆண்டுகளே போதும்.

கடவுள்: அப்படியே ஆகட்டும்.

கடவுள்: குரங்கைப் படைத்து அதனிடம் சொன்னார். நீ மரங்களில் கிளைக்கு கிளை தாவி குழந்தைகளை மகிழ்விப்பாய். 20 ஆண்டுகள் உயிர் வாழ்வாய்.

குரங்கு: எனக்கு 10 வருடங்களே போதும் சாமி.

கடவுள்: அப்படியே ஆகட்டும்.

கடவுள்: மனிதனைப் படைத்தார். நீ சிந்திக்கும் ஆற்றலுடன் பிறப்பாய். உன் அறிவைப் பயன்படுத்தி எல்லா உயிர்களையும் உன் கட்டுப்பாட்டுக்குள் கொண்டுவருவாய். 20 ஆண்டுகள் உயிர் வாழ்வாய்.

மனிதன்: சாமி. 20 வருடம் எனக்கு ரொம்ப குறைவு. கழுதை வேண்டாமென்று சொன்ன 30 வருடங்களையும், நாயின் 15 வருடங்களையும், குரங்கின் 10 வருடங்களையும் எனக்குத் தாருங்கள்.

கடவுள்: அப்படியே ஆகட்டும்.

அன்றிலிருந்து மனிதன் 20 வருடங்கள் மனிதனாகவும், பின் திருமணம் செய்து 30 ஆண்டுகள் கழுதையைப் போல குடும்பப் பாரம் சுமந்தும், குழந்தைகள் வளர்ந்த பின் 15 ஆண்டுகள் நாயைப் போல வீட்டைப் பாதுகாத்தும், கடைசிப் பத்து வருடங்கள் குரங்கைப் போல தன் ஒவ்வொரு மகன் அல்லது மகள் வீடு சென்று பேரக் குழந்தைகளை மகிழ்விக்கிறான்.

நன்றி: மின்னஞ்சலில் அனுப்பிய நண்பர்களுக்கு.

மறக்க முடியாத முகங்கள் - ரஜினி

2005-02-22T00:08:00.000+01:00

அம்மா வந்தால் ஆண்டவனாலும் காப்பாற்ற முடியாதென்பார்
அம்மாவின் கூட்டணிக்கே வாக்கு என்பார்

வீரலட்சுமி என்பார்
ஆனால் மறைந்து நின்று சைட் அடித்ததாகவும் சொல்வார்

என்னப்பா இன்னும் அந்த கெட்ட பழக்கத்தை விடலையா?

பாபா வெற்றியடைந்தால் சினிமாவுக்கே முழுக்கு என்பார்
ரசிகர்கள் பாபா வெற்றியென்பார்
பாபாவோ ஜக்குபாயாகி சந்திரமுகியானார்

சூப்பர் ஸ்டாரை சூப்பர் தாத்தாவாக்க கலைஞரின் அறிவுரை.

இவர்களும் மதவாதிகளே

2005-01-23T12:14:00.000+01:00

கிறிஸ்தவ மதபோதகர் முன் நோயாளிகள் போல் நடிக்க மாணவர்களுக்கு பயிற்சி -- தினமணி செய்தி

எரிகிற வீட்டில் பிடுங்கும் நாய்கள்.

2004-12-29T00:52:00.000+01:00

தினமலரில் இந்த செய்தியை படித்தேன். அவர்களுடைய ஆருடம் பலித்து விட்டதாம். சந்தோசப்படுகிறார்கள். அரசியல்வாதிகளைவிட கீழ்த்தரமாக நடந்துகொண்டிருக்கிறார்கள்.

மிலே சுர் மேரா புதிய வடிவில்

2004-12-20T22:36:00.000+01:00

மிலே சுர் மேரா துமாரா - இப்படி ஒரு தேச பக்தி பாடலை என் சிறுவயதில் அடிக்கடி அரசு தொலைக்காட்சியில் பார்த்திருக்கிறேன். இந்திய மக்களின் பல தரப்பட்ட மொழிகளையும், கலாசாரத்தையும் விளக்கும் பாடலாக அமைந்திருந்தது அது. இப்போது MIT மாணவர்கள் அதே பாடலை புதியவடிவில் படமாக்கியுள்ளார்கள். வித்தியாசமான முயற்சி.

பார்க்கவிரும்புபவர்கள் இங்கிருந்து பதிவிறக்கம் செய்துகொள்ளலாம்.

உலகின் புதிய 7 அதிசயங்களும், அதன் நம்பகத்தன்மையும்

2004-12-11T18:13:00.000+01:00

உலக அதிசயங்கள் யாவை? இந்தக் கேள்வியைக் கேட்டால் ஒவ்வொருவரும் ஒரு பதிலை கொடுப்பார்கள். முதன்முதலில் உலகின் 7 அதிசயங்களைத் தொகுத்தவர்கள் பழங்கால கிரேக்கர்களே. அதுவும் அவர்கள் மத்தியதரைக்கடல் (Mediterrenian world -சரிதானா?) பகுதியை மட்டுமே கணக்கில் கொண்டார்கள். அவர்கள் கூறிய அதிசயங்களின் பட்டியல் இங்கே. அதன்பிறகு ஒவ்வொருவரும் பட்டியலிலிருந்து சிலவற்றை நீக்கியும், சேர்த்துக்கொண்டும் புதிய அதிசயங்களை அறிவித்தார்கள்.

ஐ.நா. வின் UNESCO அமைப்பு, உலகின் பாரம்பரியமிக்க இடங்களையும், கட்டிடங்களையும் அறிவிக்கிறது. அந்தப் பட்டியல் இங்கே. இது இன்னும் பல சேவைகளையும் செய்து வருகிறது. ஆனால் உலக அதிசயங்களாக இது எதையும் அறிவிக்கவில்லை.

தற்போது இணைய வாக்கெடுப்பின் மூலம் புதிய அதிசயங்களை தேர்ந்தெடுக்க new 7 wonders என்ற நிறுவனம் முயற்சி எடுத்துள்ளது. இது இந்தியாவில் இருந்து தாஜ்மகாலையும், மதுரை மீனாட்சியம்மன் கோயிலையும் பரிந்துரை செய்துள்ளது. இதனால் இவை இரண்டும் தான் இந்தியாவின் மிகப் பாரம்பரியமிக்க அதிசயங்கள் என எண்ண வேண்டாம். இந்தப் பட்டியலில் நீங்கள் விரும்பும் அதிசயத்தை சேர்ப்பது மிக எளிது. குறைந்தது ஏழு பேர் ஒரு இடத்தை பரிந்துரை செய்தாலே போதுமானது என்று அவர்களே தங்களுடைய வலையில் குறிப்பிட்டிருக்கிறார்கள்.

இவ்வாறான வாக்கெடுப்பினால் உலகின் புதிய 7 அதிசயங்களை இனம் காண முடியுமா? என்பது சந்தேகத்திற்குறியவையே. தமிழ் மக்கள் அனைவரும் கண்டிப்பாக மீனாட்சியம்மன் கோயிலிற்குத்தான் வாக்களித்திருப்பார்கள், மற்ற அதிசயங்களின் பாரம்பரியங்களை உணராமலே. இதைப்போன்றது தான் ஒவ்வொரு நாட்டவரின் கதியும். நடுநிலையாக வாக்களிப்பவர்கள் மிகச்சிலரே.

இந்த வாக்கெடு்ப்பின் மூலம் அறிய முடிவது ஒன்றே. யார் தன் இன, மொழி மற்றும் பிற மீது அதிக பற்றுள்ளவர்கள்? இதை இன்று தமிழர்கள் மத்தியில் கண்கூடாக பார்க்கலாம். மீனாட்சியம்மன் கோயிலுக்கு வாக்குகேட்டு பத்திரிக்கைகளும், குறுஞ்செய்திகளும், இ-குழு மடல்களும் உலாவுகின்றன.

இதே போன்ற நிலைதான் சென்ற ஆண்டு, BBC உலகின் சிறந்த பத்து பாடல்களை வரிசைப்படுத்த ஒரு இணைய வாக்கெடுப்பு நடத்தியது. இளையராஜாவின் "ராக்கம்மா கைய தட்டு" பாடலுக்கு வாக்களிக்க சொல்லி எனக்கு ஒரு மடல் வந்தது. அதன் சாராம்சம் இது தான். வங்காளிகளும், மற்ற இந்தியர்களும் வந்தேமாதரம் பாடலுக்கு வாக்களித்துக் கொண்டு இருக்கிறார்கள், எனவே ராக்கம்மாவுக்கு வாக்களிக்கச்சொல்கிறது கடிதம். இதைப்பார்த்த
பாகிஸ்தானியர்கள் "தில் தில் பாகிஸ்தான்" பாடலுக்கு வாக்கு சேர்க்க, ஈழத்தமிழர்கள் தங்களுடைய ஈழப்பாடலுக்கு வாக்கு சேர்க்க என பெரிய தேர்தலே நடந்தேறியது. அப்போட்டி முடிவுகள் இங்கே. பத்தில் ஆறு பாடல்கள் இந்திய துணைக்கண்டத்திலிருந்து தான்.

சரி. new 7 wonders என்ன தான் செய்ய நினைக்கிறது. இந்த வாக்கெடுப்பு மட்டுமல்லாது அவர்கள் பல வழியில் பணம் சேர்க்கிறார்கள். சேர்த்த பணத்தை வைத்து ஆப்கானிஸ்தானில் தலீபான் தீவிரவாதிகளினால் அழிக்கப்பட்ட பாமியான் புத்த சிலைகளை புணரமைக்க திட்டமாம். இவையெல்லாம் உண்மைதானா? இந்த சுட்டியை பார்ககும்போது ஏதோ உண்மை இருப்பது போலத்தான் தோன்றுகிறது.

இவையெல்லாம் நடக்கிறதா என்று பார்க்க ஜனவரி1, 2006 வரை காத்திருக்கவேண்டும். அன்று தான் தேர்தல் முடிவு.

விளாடிமிர் புடின், கேஜிபி, டிரெஸ்டன்

2004-12-05T13:45:00.000+01:00

புடின் 1952-ல் லெனின்கிராடில் (இப்போது செயின்ட் பீட்டர்ஸ்புர்க்) பிறந்தார். 1970-ல் லெனின்கிராட் பல்கலைகழகத்தின் சட்டத்துறையில் நுழைந்தபோது, சோவியத் கூட்டமைப்பில் சட்டத்துக்கு இடமே இல்லை. சட்டத்துறையானது, கேஜிபி (KGB-சோவியத் உளவுப் பிரிவு), போலீஸ் மற்றும் அரசுப் பணிக்கு ஆட்களைத் தயார் செய்யும் களமாகவே இருந்து வந்தது. 1975-ல் பட்டப்படிப்பை முடிப்பதற்கு முன்னாகவே புடினை கேஜிபி தன் பக்கம் இழுத்தது. புடினும் கேஜிபி-யில் சேருவதையே தன் குறிக்கோளாக கொண்டிருந்தார். தாய்நாட்டின் மீது மிகுந்த பற்று கொண்டு இருந்ததால், கேஜிபி-யில் சேர்ந்து தன் சமுதாயத்திற்கு சேவை ஆற்ற நினைத்தார்.

சில காலம், லெனின்கிராடில் வெளிநாட்டவர்களை உளவு பார்த்தார். 1980 களின் ஆரம்பத்தில் மாஸ்கோவிலுள்ள, Elite Foreign Intelligence Training Institute அவருக்கு அழைப்பு விடுத்தது. இதையடுத்து அப்போதைய கிழக்கு ஜெர்மனியில் பணியமர்த்தப்பட்டார். தன்னுடைய 32-வது வயதில் டிரெஸ்டன் (கிழக்கு ஜெர்மனியில் ஒரு நகரம்) வந்து சேர்ந்தார். இரண்டாம் உலகப்போருக்கு பின்னால், கிழக்கு ஜெர்மனி சோவியத் கட்டுப்பாட்டுக்குள் இருந்தபோது, கிட்டத்தட்ட 4,00,000 சோவியத் படைகளும், பல மத்திய துார ஏவுகணைகளும் இங்கு நிலைகொண்டு இருந்தது. பெர்லின் பனிப்போரின் சாட்சியாக காட்சியளித்தது.

இந்நேரத்தில் ஆயிரக்கணக்கான கேஜிபி அதிகாரிகள் கார்ல்ஸ்கோர்ஸ்டில் (பெர்லின்) உள்ள தங்கள் தலைமையகத்துக்கு செய்தி அனுப்பியவாறு இருந்தார்கள். சோவியத் இராணுவ உளவுப்பிரிவு கிழக்கு ஜெர்மனியில் இருந்தாலும், அதைவிட மிகப் பெரிய உளவு நிறுவனமாக திகழ்ந்தது தான் கிழக்கு ஜெர்மனியின் இரகசிய போலீசான ஸ்டாசி (Stassi). உண்மையில் இவர்கள் தான் கிழக்கு ஜெர்மனி மக்களையும், போராட்டக்காரர்களையும் தீவிரமாக உளவு செய்தவர்கள்.

இவர்களை கேஜிபி அமைப்பினர் தங்கள் தேவைக்கேற்ப உபயோகப்படுத்திக்கொண்டார்கள். ஸ்டாசியைச் சேர்ந்தவர்கள் கேஜிபியினரை "நண்பர்கள்" (The friends) என்றே அழைப்பர்.

ஸ்டாசி என்னென்ன வேலைகளை கேஜிபிக்காக செய்தது என்பது பற்றியும், புடின் இங்கே என்ன செய்தார் என்பது பற்றியும் அடுத்து வரும் பதிவில் மேலும் விவரமாக எழுதுகிறேன்.

சங்கராச்சாரியாருக்கு சில கேள்விகள்

2004-11-20T18:31:00.000+01:00

சங்கராச்சாரியார் கைது செய்யப்பட்டாலும் செய்யப்பட்டார், ஏதோ உலக இந்துக்களுக்கெல்லாம் அவமானம் உண்டானது போல செய்திவரத் தொடங்கிவிட்டது. இதையெல்லாம் செய்பவர்கள் யாரென்று தமிழர்கள் நன்கறிவர். காலங்காலமாக அதிகாரவர்கத்தினருக்கு அடிவருடியவர்கள். கடவுளை தங்களுடைய தனிச்சொத்தாக்கியவர்கள். பூசைக்கென்று புதுமொழி கண்டவர்கள். சாதி செய்து சாதித்தவர்கள். தீண்டாமையை தோற்றுவித்தவர்கள். வேதம் இயற்றி வேற்றுமை உண்டாக்கியவர்கள். சொன்னால் சொல்லிமாளாது.

இவ்வளவு பாரம்பரியமிக்க ஒரு சாதித்(த) தலைவரை கைது செய்தவுடன், குய்யோ முய்யோ என்று கதறுகிறார்கள். பாமர மக்களின் மெளன மொழிக்கு, வேறு அர்த்தம் காண்பிக்க முயல்கிறார்கள்.

இங்கே என் மனதில் உள்ள கேள்விகளை வைக்கிறேன்.

1) தலித்களுடன் தீண்டாமை பாராட்டாது பழகுகிறார் என்று சொல்லும் நண்பர்களே, "வர்ணாசிரமத்தை நான் ஏற்கவில்லை" என்று செயேந்திரர் அறிவிப்பாரா?

2) காஞ்சி மடத்தின் முக்கிய பொறுப்பில் பிராமணரல்லாத யாரையாவது நியமிப்பாரா?

3) எம்மொழியில் பூசை செய்தாலும் இறைவன் ஏற்றுக் கொள்வான் என்று அறிவிக்கத் தயாரா?

இன்னும் எத்தனை எத்தனையோ கேள்விகள் என் மனதில் உள்ளது. ஒவ்வொன்றாய் வரும்.

தினமலர் தான் வெளியிட்டதா?

2004-11-14T13:18:00.000+01:00

ஜெயேந்திரர் கொலை வழக்கில் கைதானதை, வண்ணப் படத்துடன் முதன்முதலில் செய்தி வெளியிட்டது தினமலரா?

கணிணி மொழியில் மிகப்பெரிய நன்றி

2004-10-18T22:44:00.000+02:00

சமீபத்தில் ஒரு விவாத மேடையில் பார்த்தது. அதிகம் விளக்கம் தேவையில்லை, ஏதாவது கணிணி மொழி தெரிந்தவர்களுக்கு.

while(1)
{
நன்றி;
}

கிரிக்கெட்டை ஒழிக்க முடியுமா?

2004-10-17T14:49:00.000+02:00

வரவர எனக்கு இந்த கிரிக்கெட் மீது கோபம் அதிகரித்துக்கொண்டே போகிறது. ஐந்தாறு வருடங்களுக்கு முன்பு கிரிக்கெட்டின் மேல் தீராத வெறி கொண்டு அலைந்தவன் தான் நானும். கடந்த சில வருடங்களாக என் வெறுப்பு அதிகரிக்க பல காரணங்கள். அதில் சிலவற்றை இங்கே சொல்கிறேன்.

கிரிக்கெட் உடற்தகுதியில்லாதவர்களின் விளையாட்டாகவே எனக்கு தோன்றுகிறது. பத்துமாச கர்ப்பம் போல தொப்பை வைத்துக் கொண்டு விளையாடும் வீரர்களை எல்லோரும் நன்கு அறிவீர்கள். அதிலும் சிலர் உலகின் தலைசிறந்த வீரர்களாவர். வேறு எந்த ஒரு விளையாட்டிலும் இந்நிலை உண்டா? ஐந்து நாள் ஆட்டங்களில் தொடர்ந்து ஓடுகிறார்களே, இதற்கும் ஒரு உடற்தகுதி வேண்டுமல்லவா? எனச்சிலர் இடித்துரைப்பார்கள். ஓடுகிறார்கள் தான். ஆனால் இவர்களை தொடர்ந்து ஐந்து கிலோமீட்டர் ஓடச் சொல்லுங்கள் பார்ப்போம்.

சினிமாவைப் போல, இங்கேயும் தனிநபர் ஆராதனை. ஆனால் சினிமாவை விட சற்றே குறைவு. ஒரு நாள் ஆட்டமாக இருந்தால் ஒரு நாள் வேலை போச்சு. ஐந்து நாள் ஆட்டமாக இருந்தால் ஐந்து நாள் வேலை போச்சு. இந்திய அணி கிரிக்கெட் விளையாடும் போதெல்லாம், பல அலுவலகங்கள், கல்லுாரிகளின் நிலை இது தான். கிரிக்கெட் போட்டி நடக்கும் போதெல்லாம், இந்திய அலுவலகங்களின் உற்பத்தித் திறன் குறைவதாக பல ஆய்வறிக்கைகள் வந்துள்ளதே இதற்கு சான்று.

சரி. முடிந்தால் உங்கள் கருத்துக்களை பின்னுாட்டத்தில் எழுதுங்கள். மேலும் சில விவரங்களை அடுத்த பதிவில் எழுத முடியுமான்னு பார்க்கிறேன்.

மொழிபெயர்க்க கடினமான வார்த்தைகள்

2004-10-09T11:40:00.000+02:00

பிறமொழி வார்த்தைகளை தமிழில் அப்படியே உள்வாங்கிக் கொள்ளலாமா? அல்லது மொழிபெயர்த்து தமிழில் கலைச்சொற்களை அதிகரிக்க வேண்டுமா?. இப்படியெல்லாம் நான் கேட்கவில்லை. பல வலைப்பதிவுகளில், இந்த வழக்கு முடிவில்லாமல் போய்க்கொண்டே இருக்கிறது. சரி. தலைப்புக்கு வருவோம். "Today Translations" என்ற இங்கிலாந்து நிறுவனம், 1000 மொழியியலார்களிடம் கருத்துக்கணிப்பு செய்து, மொழிபெயர்க்க மிக கடினமான (ஆங்கிலம் அல்லாத) 10 வார்த்தைகளையும், ஆங்கிலத்தின் 10 வார்த்தைகளையும் வரிசைப்படுத்தியுள்ளது. அதில் செல்லாதிருப்பவர் என்ற தமிழ் வார்த்தைக்கு எட்டாவது இடம். யாராவது இதை மொழிபெயர்த்து, இந்த விடயத்தை செல்லாமல் செய்ய முடியுமா?. சரி. இதைப்போல 10 தமிழ் வார்த்தைகளை வரிசைப்படுத்தினால் என்னென்ன வரும்.

என்ன டைட்டில் வைக்க?

2004-10-04T18:20:00.000+02:00

என்கிட்ட ரெண்டு மாசமா ஒரு டிவி இருக்கு. யாரோ (எவனோ) ஒரு புண்ணியவான் (இளிச்சவாயன்) விட்டுட்டுப்போன டிஷ் ஆன்டெனாவும் ரூமுல இருக்கு. சாட்டிலைட் ரிசீவர் பக்கத்து ரூமுல ஓசி வாங்கியாச்சு. ஆனா அதுக்கு தொலைவியக்கி (அதான் ரிமோட்! இதையாவது தமிழ்ல எழுதுவோமே!) இல்ல. அதனால டிவி வேலை செய்யாதுன்னு நானா முடிவு பண்ணி ரெண்டு மாசம் ஆயிப்போச்சு. டிஷ்சையும், ரிசீவரையும் கனெக்ட் பண்ற கேபிள் இல்லாததுனால, முயற்சி பண்ணவே இல்ல. திடீர்னு, சனிக்கிழமை கடைக்குப் போனபோது ஒரு ஞாபகத்துல, அந்க கேபிளை வாங்கிட்டேன். வீட்டுக்குப் போன பிறகு, டிவி வேலை செய்யலேன்னா, அஞ்சு ஈரோக்கு ஆப்புதான்னு அழுதுகிட்டே வந்தேன். மாட்டிப் பாத்தா என்ன ஆச்சர்யம். எல்லா சேனலும் தெரியுது. ஆனா ரிமோட் இல்லாம சேனல் மாத்த தான் கஷ்டமா இருக்கு. சரி சரி போதும் உன் சோககதைன்றிங்களா!!!!!!

ஒரு பேனாவை எடுங்கள்.

2004-09-29T20:06:00.000+02:00

"எப்படி எழுதுவது?" என்று கேட்டால் "கையால தான்" என்று கடிப்பார்கள் சிலர். எப்போதோ, எங்கேயோ படித்த விடயம் ஒன்று எனக்கு ஞாபகம் வருகிறது. "எழுத்தாளனாவது எப்படி?" என்று ஒருத்தர் பலநூறு பக்கங்களைக் கொண்ட ஒரு புத்தகம் வெளியிட்டார். வாங்கியவர்களுக்கெல்லாம் ஒரே அதிர்ச்சி. முதல் பக்கத்தில் இவ்வாறு எழுதியிருந்தார்.

"ஒரு பேனாவை எடுங்கள். பின்வரும் பக்கங்களில் உங்களுக்கு தோணுவதை எல்லாம் எழுதுங்கள்".

அந்தப் பக்கத்தை தவிர மற்றவையனைத்தும் வெள்ளைத்தாள்களே. இதிலிருந்து என்ன தெரிகிறது? என்று நான் ஒன்றும் புதிர் போடப் போவதில்லை. புரிந்தவர்களுக்கு புரியும். எனக்கு புரிஞ்சுடுச்சுப்பா.

ஜெயலட்சுமி-யக்கோவ்

2004-09-25T01:38:00.000+02:00

இன்று யாருடைய நிழற்படம் (அட ஃபோட்டோங்க) பத்திரிக்கைகளில் அதிகமாக வருகிறது என்று ஒரு கணக்கெடுத்துப் பார்த்தோமானால் அது நிச்சயம் ஜெயலச்சுமியாகத் தான் இருக்கும். நாளொரு மேனியும், பொழுதொரு வண்ணமுமாய் அவர் பலரையும் (காவல்துறை அதிகாரிகள், அமைச்சர்கள், அவர்களின் உதவியாளர்கள்) தன் வழக்கில் சம்பந்தப்படுத்திக் கொண்டே இருக்கிறார். இத்தோடு நிறுத்துகிறாரா? இல்லை. எல்லா பத்திரிக்கைகளுக்கும் பல கோணங்களில், பல்வேறு ஆடைகளில் ஒரு மாடல் போல போஸ் கொடுக்கிறார். குற்றாலம், ஊட்டி என்று தான் டூர் அடித்த போட்டாக்களை எல்லாம் தருகிறார். இப்போது வீடியோ ஆதாரமெல்லாம் தன்னிடம் இருப்பதாக இன்னொரு குண்டை போடுகிறார். இந்த மாதிரி பரபரப்பான வழக்குகளினால் யாருக்கு லாபம் என்று பார்த்தால் நிச்சயமாக பத்திரிக்கைகளுக்குத் தான். இத்தனை நாள் (பல வருடங்களாக) ஜெயலட்சுமி காவல்துறை அதிகாரிகளோடு சேர்ந்து செய்த அடாவடிகளையும், கூத்துக்களையும் வெளிக்கொண்டு வராத பத்திரிக்கைகள், இன்று "ஜெயலட்சுமியுடன் ஒரு நாள்" என்று முகப்புக் கட்டுரையே எழுதுகின்றன. "ஜெயலட்சுமி சீரழிந்தாரா? இல்லை சீரழித்தாரா?" என்று பட்டிமன்றம் நடத்துகின்றன. ஜெயலட்சுமியின் வாழ்க்கையை திரைப்படமாக்க ஒரு படை கிளம்பியிருக்கிறது. விரைவில் "ஜெயலட்சுமி ஒரு சகாப்தம்" என்று ஒரு நுரல் கூட வரலாம். யார் கண்டது. இன்னும் இது எத்தனை நாளைக்கு? இன்னொரு முறுக்கு பார்ட்டியோ, கஞ்சா செடியோ வரும் வரைக்குத்தான். இதுதான் இன்றைய தமிழ் மக்களின் நிலை.

ஜக்குபாய் - வெறும் சக்கை - 1

2004-09-23T13:27:00.000+02:00

சமீபத்தில் "அழகிய தீயே" என்று ஒரு அருமையான திரைப்படம் பார்த்தேன். ஒரு காட்சியில் "தமிழ்நாட்டில் மட்டும் தான் ஜெராக்ஸ் காப்பிக்கு கூட கை தட்டுவானுங்க" என்று ஒரு வசனம். எவ்வளவு நிதர்சனமான உண்மை. இங்கு தான் ஒரு நடிகன் என்ன செய்தாலும் அதற்கு அர்த்தம் கற்பிப்பதெற்கென்றே ரசிகர்கள் பட்டாளம் ஒன்று காத்திருக்கின்றது. ஊடகவியலார்களும், இவர்களுக்கெல்லாம் நாங்கள் சளைத்தவர்கள் அல்லர் எனக்காட்ட மிகவும் மெனக்கெடுகிறார்கள்.

"பாபா" படம் திரைக்கு வந்தபோது அது மிகப்பெரிய வெற்றிபெறும் என்று எல்லா பத்திரிக்கைகளும் சூடம் கொளுத்தி சத்தியம் செய்தன. படப்பிடிப்பு ஆரம்பித்த தினத்திலிருந்தே ரஜினி எங்கு செல்கிறார், என்ன செய்கிறார், எந்த நிறத்தில் ஆடை அணிகிறார் என்றெல்லாம் நேரடி வர்ணனை செய்த பத்திரிக்கைகள் பல உண்டு. ஆனந்த விகடன், குமுதம் போன்ற முன்னணி இதழ்களும் இதற்கு விதிவிலக்கல்ல. கேட்டால் இது வியாபார சூத்திரம் என்பார்கள். ரஜினியோ ஒரு படி மேலே சென்று, இத்திரைப்படம் மாபெரும் வெற்றியடைந்தால் நான் நடிப்பதையே நிறுத்திக்கொள்வேன் (அவருக்கே படம் ஓடாது என தெரிந்துவிட்டது போல) என ரசிகர்களை சூடேற்றிப்பார்த்தார். நடந்ததா? படம் வந்த வேகத்தில் பெட்டிக்குள் சுருண்டது. இத்தோல்விக்கு பல்வேறு காரணங்களை கூறினார்கள். சில சுளுவான் குஞ்சுகளோ, ரஜினி வேண்டுமென்றே தான் இப்படிச் செய்தார் என்று சப்பைகட்டு கட்டினார்கள்.

என்னப்பா இது! ஜக்குபாய் என்று தலைப்பை வைத்துவிட்டு, அதைப்பற்றி ஒன்றுமே சொல்லலையேன்னு நினைக்காதீங்க. இன்னும் ஓரிரு நாளில் அதைப்பற்றி எழுதுகிறேன்.

தமிழ் - செம்மொழி

2004-09-20T20:27:00.000+02:00

தமிழ் - செம்மொழி

நல்ல காலம் பொறக்குது

தமிழுக்கு நல்ல காலம் பொறக்குது

என்று குடுகுடுப்பைகாரன் சொல்வது போல அனைத்து அரசியல்வாதிகளும், தமிழ் அறிஞர்களும் இப்போது கூவிக்கொண்டு இருக்கிறார்கள். மகிழ்ச்சி தான் அனைவருக்கும். தமிழர்களாகிய நம் அனைவருக்குமே தமிழை செம்மொழியாக அறிவிப்புச் செய்ததில் மிக்க மகிழ்ச்சி தான். ஆனால் இந்த அறிவிப்பிற்கு பின்னால் நம்மில் மிகப்பலரைப் போல எனக்கும் சில வினாக்கள் எழுகின்றன.

1) தமிழ் மொழியின் செழுமையையும, தொன்மையையும் உணர்ந்து தான், மத்திய அரசு இந்த அறிவிப்பை வெளியிட்டதா? அல்லது அரசியல் நிர்ப்பந்தத்தின் காரணமாகவா?

2) இதனால் ஏற்படப்போகும் நன்மைகளை பட்டியலிட்டுள்ள அரசியல்வாதிகளும், தமிழ் அறிஞர்களும், இந்த அறிவிப்பு இல்லாமலே இக் காரியங்களைச் செய்திருக்க முடியாதா?

3) பேச்சுத் தமிழும், எழுத்துத் தமிழும் ஐம்பது ஆண்டுகளில் தனித்தனியாகப் பிரிந்துவிடும் எனப் பல புள்ளி விவரங்கள் சொல்கின்றனவே? இதைச் சரிப்படுத்த இந்த அறிவிப்பால் இயலுமா?

என்னைப் பொறுத்தவரையில், முதல் கேள்விக்கு என்ன விடையாக இருந்தாலும் நான் கவலை கொள்ளப் போவதில்லை. எக்காரணமாயினும், தமிழை செம்மொழியாக அறிவித்ததை, தமிழ் மொழிக்கு ஒரு அங்கீகாரமாகவே எண்ணுகிறேன. இன்றைய நாகரிகமற்ற தமிழக அரசியல் சூழ்நிலையில், ஒரு நல்ல காரியத்திற்கு குரல் கொடுப்பதை விட, நான் தான்
செய்தேன், நான் தான் செய்தேன் என்று சுயதம்பட்டம் அடிக்கத் தான் ஆளிருக்கிறார்கள். ஆனால் செம்மொழிகள் என்று மத்திய அரசு, ஒரு பிரிவை ஏற்படுத்தியதன் மூலம் பல மொழிகளை (மேலும் பல அரசியல் நிர்ப்பந்தங்களை) எதிர்கொள்ள
தயாராகிவிட்டது என்று தெரிகிறது.

தமிழ் செம்மொழியானதால், இந்தியாவில் எந்த ஒரு பல்கலைக்கழகத்திலும் தமிழுக்கென ஒரு இருக்கை ஏற்படுத்தலாம். தமிழுக்கு லத்தீன், கிரேக்கம், பாரசீகம், சமஸ்கிருதம் மொழிகளைப் போல, உலக அமைப்புகளிடமிருந்து அங்கீகாரமும், நிதியுதவியும் கிடைக்கும். தமிழர்கள் அனைவரிடமும் ஒரு ஒத்த கருத்து இருந்தும், அரசியல்வாதிகளிடம் சட்டசபையிலும், நாடாளுமனறத்திலும் ஒற்றுமை இல்லாமல் போனதால், இந்த அறிவிப்பிற்காகவே நாம் நூறாண்டு காலம் போராட வேண்டி இருந்தது. இந்நிலையில் இந்த நிதியுதவியை நல்ல வழியில் தமிழ் மொழி வளர்ச்சிக்கு பயன்படுத்தவேண்டியது நம் கடமை.

நான் தமிழ்மொழியை, தமிழ் எனற ஒரு பாடத்தின் மூலமாக பள்ளியில் மட்டுமே படித்தவன். இனறு ஐரோப்பாவில் மேற்படிப்பிற்காக வந்தபிறகு தமிழில் பேசுவதும் வெகுவாக குறைந்துவிட்டது. இந்தச் சூழ்நிலையில் பேச்சுத் தமிழில் பிற மொழி (குறிப்பாக ஆங்கில) தாக்கத்தை என்னால் நன்றாகவே உணரமுடிகிறது. இது தொடர்ந்தால் நான் எழுப்பிய அந்த
மூன்றாவது வினா, நனவாகிவிடுமோ என்ற ஐயப்பாடு எழுகின்றது. தமிழ் செம்மொழி அறிவிப்பால், பேச்சுத் தமிழுக்கு என்ன பயன் எனறு கூறுவார் யாரும் இங்கே இல்லை. ஒரு மொழியின் பேச்சு வழக்கில் ஊடகங்களின் பாதிப்பே அதிகமாக இருக்கின்றது (குறிப்பாக மின்னணு ஊடகங்கள்). இன்றைய காலகட்டத்தில், இந்த ஊடகங்கள், பேச்சுத் தமிழ் வளர்ச்சிக்கு
எதிர்மறையாக செயல்பட்டு வருவது வருத்தமளிக்கக்கூடிய விடயம். இவ்விடயத்தில் அரசியல்வாதிகள், தமிழறிஞர்கள், ஊடகவியலார்கள் மற்றும் பாமரர்கள் ஒன்று சேர்ந்து பேச்சுத் தமிழைக் காப்பது நம் கடமை.

எது எப்படியோ, தமிழ் செம்மொழியாக ஆனது. இது தமிழ் மொழியின் வளர்ச்சியில் மேலும் ஒரு திருப்புமுனையாக அமைந்தால் அதுவே உண்மையான வெற்றியாகும்.

முதல் கிறுக்கல்

2004-09-05T23:59:00.000+02:00

யார் யாரோ
என்ன என்னவோ
எதுக்கு எதுக்காகவோ
ஏதாவது இணையத்திலே எழுதிக்கொண்டே இருக்காங்க....

நாமளும் தான் ஏதாவது கிறுக்குவோமேன்னு இந்த வலைப்பூவை ஆரம்பிச்சிருக்கேன்.

எப்படியோ ஒரு வழியா கஷ்டப்பட்டு யுனிகோடை உபயோகப்படுத்தவும் ஆரம்பிச்சுட்டேன். ஆனா இந்த ஆங்கில விசைப்பலகையை வச்சிகிட்டு தமிழ் டைப் பண்றதுக்குள்ளே உயிர் போயிடுச்சு.

மகிழ்ச்சி. எதுக்கு. ரொம்ப நாளைக்கு அப்புறம் தமிழில் எழுதிய சந்தோஷம்.

சரி மீண்டும் சந்திப்போம்.

அன்புடன்
சரவணன் அண்ணாமலை.

@~CoNtAgIoUs Me!!~@: My poor toe!

2004-09-05T17:04:00.000+02:00

@~CoNtAgIoUs Me!!~@: My poor toe!

Mudal Kirukal.

2004-09-02T00:27:00.000+02:00

Mudal Kirukal.......

Kirukuven Kirukuven...........Kattam pottu kirukuven naanu.........
e Ajak ajak ajak e ajak ajak ajak

ippadiye kirukuna...........konjanaal la total kiruku aayidalam........